Metró 1-0 Áreitni

Baráttusigur

Við mættum í Laugardalinn í frábæru veðri, tilbúnir í leik gegn Áreitni.  Vorum heldur fáliðaðir miðað við síðustu leiki eða 14.

Byrjunarlið:
Vigfús
Guðni-Sævar-Hjalti-Hafþór
Stefnir-Njörður-Víðir-Hafþór Atli-Viktor
Hafliði

Á bekknum byrjuðu Raggi, Gísli og Hannes

Það sást strax þegar liðið gekk inn á völlinn að Sævar var áberandi fallegastur þrátt fyrir mikinn myndarleika í liðinu. Hann átti kannski ekki sinn besta leik en leit vel út allan leikinn.
Við Metrómenn vorum miklu betri aðilinn fyrstu 25 mín.,  sendum boltann vel á milli manna og sköpuðum ítrekað pláss fyrir Hafþór Atla fyrir utan teig en það var eins og Hafþór hefði tvo hægri fætur í kvöld en eins og Metrómenn vita er það ekki gott. Síðan misstum við aðeins tökin og hleyptum annars ágætu liði Áreitnis inn í leikinn án þess að einhver raunveruleg hætta skapaðist.

0-0 þegar flautað var til hálfleiks.

Héldum fína hálfleiksræðu og ætluð okkur stóra hluti. Og hlupum vel stefndir inn á völlinn.
En svo gerðum bara eitthvað allt annað. Fúsi bjargaði okkur nokkrum sinnum frábærlega áður en við vöknuðum en þá hafði legið á okkur í 20-30 mín.  Þá kom að því Hafþór Atli setti þéttingsfastan bolta á markið og hélt keeperinn því ekki og þar fylgdi eftir Þunnur.. nei meina Hafliði, og settann í markið.
1-0 og aðeins 5 mín. eftir. Glæsilegt.
Eins og oft áður vorum við komnir 8 í teiginn eftir markið og var það kannski ekki það besta í stöðunni en við kláruðum þetta og 3 stig í hús og héldum hreinu í fyrsta sinn í langann, langann tíma.  Nú er frí framyfir verslunarmannahelgi, og er næsti leikur á móti Team Samba fimmtudaginn 4. ágúst.  Tilkynning kemur fyrir leikinn tímanlega.

Maður leiksins: Fúsi.  Varði mjög vel allann leikinn, tók mikið af fyrirgjöfum og varði point blank allavega þrisvar sinnum með góðri staðsetningu.

Áfram Metró!