Fundur 17. jan.

Fundinum sem frestað var um seinustu helgi verður haldinn á morgun sunnudag eftir Aston Villa – West Ham leikinn á sama stað, Ölver. Leikurinn byrjar 13:30 og er fundur strax að leik loknum.

Sýnið nú viljann í verki og vottið Baldri samúð með tapinu sem Villa menn upplifa á morgun fyrir fyrrum lærisvænum Björgólfs.

Fundur 10. janúar.

Sælir Metrómenn nær og fjær.

Fundur verður haldinn næstkomandi sunnudag eftir Liverpool-Tottenham leikinn. Stefnan er sett á Ölver (eða Wembley eða hvað sem hann heitir í dag) í Glæsibæ og leikurinn hefst klukkan 16:00. Fínt væri að þeir sem hafi áhuga horfi á leikinn með okkur, því fundurinn verður strax í kjölfarið, eða um 18:00 leitið. Við vonum að sem flestir láti sjá sig.

Fundarefni er Metró almennt, áhugi og stjórnun.

Póker hjá Danna

Það er fyrir margt löngu kominn tími á að hittast. Danni stakk upp á því að hittast heima hjá honum á föstudagskvöld og grípa í póker.

Hverjir mæta?

Áhugi á æfingum?

Fame voru að spyrjast fyrir um hvort við höfum áhuga á að æfa með þeim í vetur í Kórnum á mánudögum klukkan 22:00?

Meldið ykkur fyrir neðan.

Metró-Open 2009

Hið árlega Metró-Open golfmót verður haldið laugardagurinn næsta, 3. október, með fyrirvara á veður og ágætis mætingu.

Takið daginn frá og meldið ykkur hér fyrir neðan.

Ég er búinn að týna símanum mínum, þannig að ég get ekki sent ykkur SMS, þannig að hnippið endilega í næstu menn og látið þetta ganga á milli manna.

Golfmótið

Hugsanlegur tími fyrir Metró Open er á laugardaginn um 3-4 leitið. Annar mögulegur tími er helgin eftir, en þessi hentar betur.

Hvernig er þessi tími, komast flestir?

Sparkvöllur klukkan 7.

Við Freyr ætlum að reyna að smala saman á sparkvöll á eftir klukkan 7. Stefnan er sett fyrir utan Egilshöll. Látið vita hérna fyrir klukkan 5.

Jafnt í lokaleik – tölfræði sumarsins

Metro mætti í kvöld FC Fame, í lokaleik sumarsins í Utandeildinni. Leikurinn var sérlega mikilvægur fyrir Fame en við klúðruðum okkar séns með því að ná ekki í lið í síðasta leik. Við spiluðum því fyrir stoltið.

FC Fame skoraði úr hornspyrnu eftir örfáar mínútur. Við þá stöðu gat Halldór Svavar, eða Margrét Lára okkar Metrómanna ekki sætt sig. Hann skoraði þrjú glæsileg mörk í fyrri háflleik og eitt í þeim síðari, úr vítaspyrnu. Staðan orðin ákaflega vænleg.

En eins og venjulega gekk okkur illa að halda forystunni. Þeim tókst að jafna þegar skammt var eftir og þar við sat. 4-4 niðurstaðan í fjörugum leik, þar sem við lékum ágætlega okkar á milli á köflum. Læt þessa stuttu lýsingu nægja.

Leikirnir í sumar eru búnir. Sumarið einkenndist af miklum markaleikjum og sárri manneklu. Í ágúst var engin æfing. Í júlí kannski ein og í júní voru tvær eða þrjár æfingar. Allar aðrar æfingar féllu niður, vegna þess að ekki náðist mannskapur. Þá byrjuðum við tvo leiki færri en 11 inn á vellinum og í öðrum tveimur eða þremur höfðum við engan varamann. Það kostaði okkur nokkur stig í sumar.

Ég tók, að gamni, saman smá tölfræði eftir sumarið.

• Við lékum 11 leiki; 9 í deild og 2 í bikar. Af þeim unnum við 4. Gerðum 1 jafntefli og töpuðum 6 leikjum. Þeir fóru svona:

Metro – Elliði 0-5
Metro – Kærastan 3-2
Metro –  Áreitni 3-4 (eini sigurleikur þeirra)
Metro – TLC 4-3
Metro – Vængir 2-4
Metro – Kumho 0-5
Metro – FC Ice 4-3
Metro – Nings 1-3
Metro – FC Fame 4-4
Metro – FC Keppnis 4-2 (bikar)
Metro – Vængir J. 4-6 (bikar)

• Við spiluðum 11 leiki eins og áður sagði. Í þeim skoruðum við 29 mörk eða 2,63 mörk að meðaltali í leik. Á hinum endanum fengum við á okkur 41 mark, eða 3,72 að meðaltali í leik. Varnarleikurinn varð okkur að falli í sumar.

• Mörkin 29 dreifðust ekki sérlega jafnt á liðsmenn Metro. Halldór Svavar skoraði helming, eða 14 og Kiddi 11. Saman skoruðu þeir 25 af 29 mörkum liðsins, eða 86% markanna. Báðir misstu þeir af um þriðjungi leikjanna, á að giska. Raufarhafnabúarnir Kobbi, Garðar og Freyr skoruðu sitt markið hver og austfirðingurinn Haffi Haff eitt, í sínum fyrsta leik fyrir Metro. Óskum Halldór Svavari til hamingju með markakóngstitilinn.

• Finnur, Haffi Haff og Sævar fengu allir tvö gul spjöld í sumar. Liðið í heild fékk 15 slík en ekkert rautt. Spjaldakóngur Metro í sumar fékk heil þrjú gul spjöld, en hafa verður í huga að bræðurnir Hrói, Hnikarr og Hjörvar spiluðu ekki mikið í sumar. Spjaldakóngurinn fékk líka eftirminnilegasta spjald sumarsins. Það var fyrir hörð mótmæli eftir umdeildan vítaspyrnudóm á lokasekúndu bikarleiks. Vængir Júpíters jöfnuðu 4-4 úr vítaspyrnunni og kóngurinn varð brjálaður. Hann lét dómarann svo hressilega heyra það að hann uppskar gult spjald fyrir, og mátti teljast nokkuð heppinn með að fá ekki rautt fyrir kjaftbrúk. Hann vissi nefnilega ekki að þetta var bikarleikur, og heil framlenging framundan. Kobbi er spjaldakóngur Metro 2009.

Það er ljóst að hópurinn þarf að gangast undir ítarlega naflaskoðun. Við lögðum af stað í sumarið með 25 manna hóp. Fljótlega kom í ljós að aðeins um 10 leikmenn voru virkir. Fyrir næsta ár þurfum við að stækka hópinn verulega. Illa hefur gengið að fá þátttaökugjaldið greitt frá öllum og æfingar hafa hjá stórum hluta hópsins verið aftast í forgangsröðinni. Við hljótum að vilja bæta úr þessu fyrir næsta sumar.

En sumarið er ekki alveg búið. Hið árlega golmót Metro er eftir. Það hefur jafnan markað hápunkt sumarsins og ég sé enga ástæðu fyrir að svo ætti ekki að verða nú. Gústi og félagar munu sjá um framkvæmd þess og tímasetningu. Meiningin er svo að halda veglegt lokahóf samhliða golfmótinu, þar sem hefð er fyrir miklum ræðuhöldum, sérstaklega á meðal helstu markaskorara liðsins. Önnur skemmtiatriði eru með öllu óþörf, ef ræðurnar verða eitthvað í líkingu við fyrri ár.

Takk fyrir sumarið drengir. Mig er farið að langa að spila fótbolta og legg til að við hittumst, einu sinni í viku og leikum okkur. Það hefur alveg vantað í sumar. Hverjir eru til, með fyrirvara um hentugan tíma?

Kv. Baldur

Seinasti leikur sumarsins

Seinasti leikur sumarsins er við FC Fame á miðvikudaginn í Fagralundi klukkan 19:00, mæting 30 mín fyrr.

Klárum þetta mót með stæl og fjölmennum á leikinn og vinnum þessa kappa. Meldið ykkur fyrir neðan.

Ætlum á sparkvöll

Við Viktor ætlum að reyna að smala á sparkvöll í kvöld. Við erum búnir að gefast upp á því að vera stórhuga þegar kemur að æfingum. Væri gaman að ná 8 eða 10.

Þessir mæta klukkan 20.00 á sparkvöllinn við Salalaug í Kópavogi:

Baldur
Viktor
Gæi